Murmurs of Silence

Badlenge hamare bhi din

2008-09-26T22:27:00.000-07:00

Ye khamosh jaagti raatein
Ye tanha ladkhadaati shaamein
Ye nikamme se bemaane guzarte din
Bas yun hi jiye jaate hain, saansein gin-gin
Wo gaya waqt maano ho pichle janam ki baatein
Wo jab befiqr thi shaamein thi haseen raatein
Wo jab sukoon bhare mashroof guzarte the din
Ab to bas guzaarte hain waqt, lamhe gin-gin
Ji bhar jo chahe hamein bad-dua de
Deni ho jo marzi Faaqir hamein saza de
Bas hamari khata koi hamein bata de
Kya kabhi badlenge hamare bhi din......
Kya kabhi badlenge hamare bhi din......
Ya jeete rahe yun hi, fikre aur aansoo gin-gin
Kyon khamoshi se sehte rahe sab, kisi khata-bin
Jaise tohfe lutaata ho koi, kisi dua-bin
Kya kabhi badlenge hamare bhi din......

Mere hauslon ki udaan

2008-06-05T04:34:00.000-07:00

Chand aise daastaan abhi aur baaki hai
Sehne ko dard ka ek zahaan abhi aur baaki hai
Hamne kab haar maani hai
In baazuon mein jaan abhi aur baaki hai
Mere hauslon ki udaan abhi aur baaki hai
Jeetna hamari fitrat na sahi
Mere jeet ke chand salaam abhi aur baaki hai
Chand aise daastaan abhi aur baaki hai...........

Zindagi yun bemaani ho gayi

2008-03-02T05:20:00.000-08:00

Kyon meri zindagi yun bemaani ho gayi

Ke har zubaan ki kahani ho gayi

Kyon ye khusiyaan yun anjaani ho gayi

Ke in hothon ki hasi yun begaani ho gayi

Bas main rah gaya hoon naasamajh

Saari duniya kyon sayaani ho gayi

Auron ko taa umr jo samjhaate rahe ham

Kyon hami se wo naadaani ho gayi

Jinko meri haar ka kabhi gam na hua

Kyon meri jeet pe unhe hairaani ho gayi

Phir to kabhi auro se kabhi khud se

Bas roothne ki aasaani ho gayi

Haarna to maano ab zindgaani ho gayi

Yun gamo ki Faaqir ye deewaani ho gayi

Ke ye jeet bhi kambhakt ab bemaani ho gayi

Kyon meri zindagi yun bemaani ho gayi

Ke har zubaan ki kahani ho gayi

Kyon meri zindagi yun bemaani ho gayi...............

Badi sooni ye shaam hai

2008-02-25T07:03:00.000-08:00

Badi sooni phir ye shaam hai

Wahi beasar ladkhadaate jaam hai
kehne ko saath, log tamaam hai
Phir kyon tanha baitha ye gumnaam hai
Aisa nahi ke is saher mein ham benaam hai
Bebas, begairat, bewafaa, naakhuda...........
Duniyaa ne diye aise kai naam hai
Mere sar abhi dheron ilzaam hai
Yaaron ne diya acha ye paigaam hai
Ke sadiyon ki wafa ka hota yahi anjaam hai
Aise doston, aisi mohabbat ko mera salaam hai
Ye sooni shaam, ye tanha jaam.................
Us dosti, us ulfat ke naam hai
Jinki wajah se Faaqir aaj bhi badnaam hai
Badi sooni phir ye shaam hai
Wahi beasar ladkhadaate jaam hai
Badi sooni ye shaam hai...................................
Badi sooni ye shaam hai...................................

I hate love

2008-01-29T02:53:00.000-08:00

"Have you ever been in love? Horrible isn't it? It makes you so vulnerable. It opens your chest and it opens up your heart and it means that someone can get inside you and mess you up. You build up all these defenses, you build up a whole suit of armor, so that nothing can hurt you, then one stupid person, no different from any other stupid person, wanders into your stupid life...You give them a piece of you. They didn't ask for it. They did something dumb one day, like kiss you or smile at you, and then your life isn't your own anymore. Love takes hostages. It gets inside you. It eats you out and leaves you crying in the darkness, so simple a phrase like 'maybe we should be just friends' turns into a glass splinter working its way into your heart. It hurts. Not just in the imagination. Not just in the mind. It's a soul-hurt, a real gets-inside-you-and-rips-you-apart pain. I hate love."

Neil Gaiman quotes

Smart Rude One Liners!

2008-01-29T02:46:00.000-08:00

Came across dis on a frenz blog, interstin n funny... :)

1. I can see your point, but I still think you're full of shit.

2. I don't know what your problem is, but I'll bet it's hard to pronounce.

3. How about never? Is never good for you?

4. I see you've set aside this special time to humiliate yourself in public.

5. I'm really easy to get along with once you people learn to worship me.

6. I'll try being nicer if you'll try being smarter.

7. I'm out of my mind, but feel free to leave a message...

8. It sounds like English, but I can't understand a word you're saying.

9. I like you. You remind me of when I was young and stupid.

10. You are validating my inherent mistrust of strangers.

11. I have plenty of talent and vision. I just don't give a damn.

12. I'm already visualizing the duct tape over your mouth.

13. I will always cherish the initial misconceptions I had about you.

14. Thank you. We're all refreshed and challenged by your unique point of view.

15. The fact that no one understands you doesn't mean you're an artist.

16. Any connection between your reality and mine is purely coincidental.

17. What am I? Flypaper for freaks?

18. I'm not being rude. You're just insignificant.

19. It's a thankless job, but I've got a lot of Karma to burn off.

20. Yes, I am an agent of Satan, but my duties are largely ceremonial.

21. Do I look like a people person?

22. This isn't an office. It's Hell with fluorescent lighting.

23. I started out with nothing & still have most of it left.

24. Sarcasm is just one more service we offer.

25. If I throw a stick, will you leave?

26. Errors have been made. Others will be blamed.

27. Whatever kind of look you were going for, you missed.

28. I'm trying to imagine you with a personality.

29. A cubicle is just a padded cell without a door.

30. Can I trade this job for what's behind door #1?

31. Too many freaks, not enough circuses.

32. Nice perfume. Must you marinate in it?

33. Chaos, panic, & disorder - my work here is done

Hamari naadaaniyo ki daastaa

2007-04-08T00:46:00.000-07:00

Hamari naadaaniyo ki daastaa na pucho

Hamare sabr ka imtehaa hai ye

Unki jafaao ka intehaa na pucho

Hamare dile-naasur ka bayaa hai ye

Khwaaisho ki udaano ka aasmaa na pucho

Tadapte dil ke chand ankahe armaa hai ye

Unki yaado ka karwaa na pucho

Barbas baraste aansuo ka sama hai ye

Hamare khwaabo ka tuta makaa na pucho

Hamari barbaad mohabbat ka zahaa hai ye

Is dil mein dafn chand nisaa na pucho

Kya kahe ke kiski barkate meherbaa hai ye

Gar puchna ho to Faaqir koi jaakar unse pucho

Unki wo kasme wo waade wo jhooti baatein

Wo bechain dil wo bekaraar raatein

Gar bhool gaye to kya hai ye

Gar yaad hai to kaha hai ye

Wo ulfat ye furkat

Wo hasrat ye fitrat

Aakhir kya hai ye aakhir kyo hai ye

Hamare sabr ka imtehaa hai ye

Hamari naadaaniyo ki daastaa hai ye.................

Aankho se nikla ye paani

2006-12-06T05:36:00.000-08:00

Uspe itna yakeen kyo hai
Uska khyal itna haseen kyo hai
Kehte hai ke mohabbat ka dard bada meetha hota hai
Phir aankho se nikla ye paani namkeen kyo hai...........

Khyal uska bhi haseen tha
Saayad mujhko bhi yakeen tha
Bhar gayi wo meri aankho mein mohabbat ka samandar
Shaayad isliye unse nikla paani namkeen tha...................

Kaash in aankho mein uske jafaao ka samandar na hota
Kaash in aankho ke hisse bhi ek meethi si nind hoti
Behtar tha uski wafaao ke sehra mein bhatakte rehte taa umr
Pyaase mar hi jaate to acha hota
Kam se kam ye jindagi yu gamgin na hoti
Aankho se behti ye awiral dhaar namkin na hoti.......................

Wo sooni gali wo ujda makaan

2006-11-12T10:23:00.000-08:00

Wo sooni si gali wo ujda makaan
Wo sakra sa zeena uska toota har paaydaan
Hai yaad wo har bichde puraane nisaan
Saikdo dafa us zeene se chadna
Lohe ki salakho ka wo khulla sa darwaza
Us roshan baramde ki wo tooti si kursi
Wo chahekta sa kamra wo mahekti shaamein
Wo kadi dopahari wo sardi ki raatein
Kyo yaad aati hai wo saari baatein
Us kamre ki wo ajab si khusboo
Un baahon ka wo roomaani ghera
Un sharmaati aankho ko dhakte wo uljhe se gesu
Un larazte hothon ki wo haseen shararat
Un naazuk se komal haathon ki haraarat
Wo roothna manana wo hasna rulaana
Milne ka bahana wo padhna padhaana
Wo thande hote bin piye chaay ke pyaale
Wo choti moti mohabbat ki rasme
Wo saath jine marne ki kasme
Unki aankho mein wo sadiyo ka bharosa
Meri khaatir tanha duniya se ladne ka unka wo andaaz anokha
Bhulaaye nahi bhoolti wo kasme wo waade wo saari baatein
Phir jindagi ki talaash mein ek roz ham alag alag raaho pe chal pade
Faasle door door hote bahut door ho gaye
Kuch duniya kuch jindagi ke haatho ham bhi majboor ho gaye
Na jaane kab wo jindagi ka mod aa gaya
Jaha se palat kar use dekh paana mumkin na tha
Saayad uska laut aana bhi ab mumkin na tha
Wo door kya hue hamaari duniya badal gayi
Ye dil jaanta hai hamne kya kuch na dekha kya kuch na saha
Haan nahi badli to wo yaadein wo baatein wo sooni raatein
Kai dafa ab bhi us gali se guzarta hoon
Par wo gali ab sooni na rahi
Wo bhi ab pehle se na rahe
Na to use kuch yaad hai na hamare darmayaan ab wo baat hai
Us dariche mein un aankho ko dhoondta hoon
Par na waha wo aankhe hai
Na wo tooti kursi na Deewaar pe tangi wo tasweerein hai
Haan unki duniya bhi badal gayi hai
Suna hai duniya ne badi tarakki jo kar li hai
Kya jaane wo kaha se kaha badh gaye
Aur main tha Faaqir ke wahi khada dekhta rah gaya
Kyo meri jindagi wahi thaher si gayi
Usi kamre ki kisi deewaar mein saayad meri rooh dafan si ho gayi
Chalti saans aur dhadakte dil se ehsaas ye hota hai
Ke ye laash shayad ab bhi zindaa hai

Kaha kho gaye wo jinki aaj bhi aas hai
Jiske mit te nahi armaan hai
Kaha kho gayi wo sooni si gali wo ujda sa makaan
Kaha talaashoon kaha hai
Wo Sooni si gali wo ujda makaan...........
Wo sooni si gali wo ujda makaan............

Ye dard ka ehsas

2006-10-20T03:41:00.000-07:00

Ye dard ka ehsas kuch khaas hai

Rahe asarat mein bhi gam ki talash hai
Kaise kahoon kaisi tisnagi ye kaisi pyaas hai
Is dard ki dawa bhi bas uske paas hai
Jinki rahmato se mila ye ehsas hai
Jabki jaanta hoon main ke tu kahi bhi nahi
Phir kyo lagta hai jaise tu yahi aas paas hai
Kyo kehta hai ye dil Faaqir
Ke maana tu saath nahi par ab bhi mere paas hai
Kaisa bhram ye kaisa wiswas hai
Jabki yakeen hai mujhe
Ke tujhe khabar bhi nahi jo mera haal hai
Tere liye bemaane mere har ehsas hai
Phir kyo ye ummid hai
Ke mere har sawal ka jawab bas tere paas hai
Tujhse bichde sadiyo guzre
Dhumil padne lagi teri har baat hai
Tujhko dekhe barso beete
Ab to sakl bhi nahi yaad hai
Phir bhi in aankhon mein basi ye kaisi pyaas hai
Teri waapsi ki na mujhe ummid hai na dil ko koi aas hai
Phir in nazron ko na jaane kiski talaash hai
In kano ko kyo un kadmo ki aahat ki aas hai
Tu laut aaye ab aisi chahat hi nahi
Saayad teri ab juroorat bhi nahi
Teri yaadon tere dard ka sarmaya jo ab mere paas hai
Ye dard ka ehsas kuch khaas hai........
Ye dard ka ehsas kuch khaas hai........

Jab khushi rooth jaati hai

2006-08-26T06:25:00.000-07:00

Jab khushi aap se rooth jaati hai

Kya jaane kyon saari duniya nazrein churati hai
Kaha kho jaate hai wo log
Kyon chhod jaate hai wo log
Jinhe duniya dost bulati hai
Ta umr saath chalne ka waada kiya tha unhone
Khushi ka daaman kya chhuta
Wo humsafar bhi hame chhod gaye
Hamse pucho na dosti ka sila
Yaad dilaao na mohabbat ka gila
Jinme dhundhte rahe ham zindagi ki khushi
Khud apni khushi ke liye wo log
Hame is kadar tadapta chhod gaye
Jab khushi aapse muh mod jaati hai
Aapke apne to kya
Aapke hausle bhi tod jaati hai
Na jaane kyon ye khushi aksar hamse rooth jaati hai
Ek dhimi si hasi ke liye Faaqir in hothon ko larazta chhod jaati hai
Ek zara si khushi ke liye hame tarasta chhod jaati hai
Ye khushi aksar hamse rooth jaati hai...........

Kaise khwab the

2006-08-26T06:15:00.000-07:00

Kaise khwab the wo
Jo ek jhatke mein hi toot gaye
Kaise apne the wo
Jo ek zara si baat pe rooth gaye
Kaise humsafar the wo
Jo kahi milon piche chhut gaye
Kaise naate kaise rishtey the wo
Jo ek thokar mein hi toot gaye
Gairo se kya sikwa Faaqir
Hame to apne hi loot gaye
Yaad hai wo baharon ke mausam
Jab kaafile apne saath the
Wo mausam kya guzre
Ham patjhad ke wirano mein tanha chhoot gaye
Unki bewafaai ka bhojh jab na sambhala gaya
Unse khafa ho gaye
Manana to hame aata na tha
Haan rooth jaana aasaan tha
So ta umr ke liye ham unse rooth gaye
Unse rooth ke jab jiya na gaya
Ae khuda khud se kya ham tujhse bhi rooth gaye
Tanha raat mein tanha jab piya na gaya
Is dil ki tarah ye paimaane bhi toot gaye
Hamare roothne ki to aadat puraani thi
Na jaane kya hua ab ki baar
Ke manane wale khud hi rooth gaye
Kaise khwab the wo
Jo ek jhatke mein hi toot gaye….

A friendly little chat with God

2006-08-26T06:03:00.000-07:00

My dear God why did you turn your back on me??
Where did I go wrong to offend you??
What did I do to incur your wrath??
Wasn't I as simple and innocent or as complex and shrewd like most others??
Then why did you bless me with this enlightenment of your darker side??
I never had the hurry to discover the gist of life
Then why was I chosen as the fortunate one??
Why did you give me the privilege of being one of the chosen few??
Why was I endowed with this divine knowledge of the intricate realities of life??
It is because of the sins I committed in my past, previous life, so say some..
Does that mean, all the happy faces that surround me, were pious divine souls once??
Ah! Not long ago, I remember, I was an innocent little kid full of life and enthusiasm
Aren't you guilty of snatching away that innocence, that mirth, that enthusiasm??
Aren’t you guilty of killing that child??
Aren’t you a sinister yourself then??
Now, who’s going to reprimand you for your heinous crime??
Is it going to be the other way round in our next life??
I playing God, making you repay your sins…..

Beraham ye waqt hai

2006-08-23T05:32:00.001-07:00

Beraham ye waqt hai ya bebas khud ham hai

Barsaat ka hai mausam ya ye aankhen nam hai

Apna naseeb hai ye ya unke sitam hai

Is hasi ke piche hamne chupaye kitne gam hai

Kisko sunaate kaun samajhta

Ke ye kaise zakhm hai

Chalo acha hua apno ke hone ka tut gaya ye bhram hai

Sunte hai Faaqir yahan logon ko fursat badi kam hai

Bhatakte hue jaa pahuche maikhaane mein ek roz

Na jaane kyon laga jaise

Mil gaya hame apna dairo-haram hai

Yahi wo jagah hai

Jaha milti hai dawa

Log karte hai dua

Ke kabhi zor kam no ho is mai ka

Jo tute hue dilo ka marham hai

Na jaane phir kya hua, kyon hua

Par sach ye hai

Kuch roz hue ab is dawa ka bhi asar hota kuch kam hai

Khuda jaane hamare hisse mein aur kitne gam hai

Beraham ye waqt hai ya bebas khud ham hai…

Hamari khata thi

2006-08-23T05:29:00.000-07:00

Hamne chaha tumhe ye hamari khata thi
Tumne har mod pe hame daga diya
Ye tumhari wafa thi
Saare sitam sehte rahe khamoshi se
Ye pyaar ki inteha thi
Hamara dil baar baar tute saayad khuda ki hi raza thi
Un jaisa koi aur na mile
Ye hamari iltza thi
Magar phir raah mein tum mil gaye
Saayad abhi aur baaki hamari saza thi
Saayad abhi aur baaki hamari saza thi

Kaisi bebasi hai ye

2006-08-23T05:27:00.000-07:00

Kya bekali hai ye, kaisi bebasi hai ye
Bhari bhid mein kaisi tanhaai hai ye
Mere rooh ko tatolti kiski parchaai hai ye
Mere sannaaton ko chirti kiski khamoshi hai ye
Meri saanson mein basi kiski khusboo hai ye
Mere kaano mein gunzti kiski hasi hai ye
Jise chaand mein dhoondhta hoon main, kiska aks hai ye
Baadlon mein chup gaya hai jo, kaun sa shaks hai ye
Jo har kadam mujhe rok raha kaisa raks hai ye
Jo guzar gaya saayad wo waqt hai ye
Jo tut raha hai andar andar kaisa zasb hai ye
Jo chhut raha mujhse abhi, kaisa rishta, kaisa bandhan hai ye
Jo beet gaya wo zunoon tha…
Jo paas hai wo naseeb hai ye
Haan dil ke bade kareeb hai ye
Tujhe paa ke bhi paa na sake aisa garib hai ye
Jeet ke jo sab haar de wo badnaseeb hai ye
Kaash tujhe bata sakoon ek roz….
Ke kaisi bekali hai ye
Kya kahoon tujhse ke kaisi bebasi hai ye
Jo kisi ka na ho saka…
Wo hamnaseen hai ye
Kya bekali hai kaisi bebasi hai ye

Tere husn ka charcha

2006-08-23T05:25:00.000-07:00

Tere husn ka charcha ab pariyon ki mehfil mein hai
Teri shokh ada ke deewane ab har kuche har gali mein hai
Tere julfon ke saaye saawan ki ghataon mein hai
Tere gaalon ki laali suraj ki kirno mein hai
Tere aankhon ki syahi raat ke kajal mein hai
Tere hothon ki surkhiyaan phoolon ki laali mein hai
Tere saanson ki mahek baag ki har kali mein hai
Tere nazron ki maikashi mai ke pyaalon mein hai
Teri hasi ki rangat dhanuk ke rango mein hai
Tere chehre ki chamak sitaaron mein hai
Tere noor ke ujaale chanda ki chaandni mein hai
Tere badan ki lachak hirno ki umangon mein hai
Teri maasumiyat ki jhalak bachon ki hasi mein hai
Teri saadgi ki narmi basant ki hawaon mein hai
Tere kangan ki khanak veena ke har taar mein hai
Tere paajeb ki jhanak har sur har taal mein hai
Tere jaane aur aane ka faasla sadiyon ke faasle mein hai
Teri furkat ki udaasi patjhad ke wirano mein hai
Mere khwab, mera jahan, meri zannat sab
Tujhme hai, bas tujhme hai
Kaas ek roz aisa ho jab tu phir se kahe
Ke tera aasra tera aashiyan sab
Mujhme hai, bas mujhme hai
Tere husn ka charcha ab pariyon ki mehfil mein hai….

The art of being happy

2006-08-23T05:06:00.000-07:00

Amidst the perplexities of my gloom
I could see those faces bloom
I felt a sweet pang of envy
A bemused smile flickered across my lips
I just gazed and pondered
I thought I heard them laugh in tune
It was a loud roar
Ah! I thought they are laughing at the state of mine
Over the melancholy and pain of mine
Oh! They could see through me, read my mind
I felt naked!!
Like a wounded warrior amongst the hawks
I felt my heart bleed
I cursed them aloud
Then heard a voice say,
“Why dear, it may be their own share of joy”
What about mine?? I wanted to ask
But felt too choked to speak
Can’t I feel the same bliss of joy??
Even for a jiffy pleaded I
Then heard the same voice again speak out
It was my heart, I could make out
It said, “No u cannot”
“For u lack the will, the required skill”
I wondered, what that meant
What skill, what art??
Why then, it’s so easy for others
I heard it again
“Its never spontaneous, it’s never easy”
“It never was, it never is”
“It’s a deliberate effort, an art”
“An art that needs to be practiced and perfected”
“It’s an art of all arts”
“It’s the art of being happy….”

Bada haseen ye mohabbat ka sila hai

2006-08-22T18:25:00.000-07:00

Chaha kya aur kya mila hai

Bada haseen ye mohabbat ka sila hai
Na kisi se sikwa na koi gila hai
Kis kadar tanha ye ulfat ka sila hai
Samandar ke bich hame to sehra mila hai
Is kadar bedard ye chahat ka sila hai
Raah-e-ishq mein kaante tak to na haath lage
Bas yahi garde safar mila hai
Bada haseen ye mohabbat ka sila hai
Jisko samjha tha khuda usi kaatil se Faaqir
Ye sabak hamko mila hai
Bada haseen ye mohabbat ka sila hai
Meri laash ke pehloo mein unka khanjar jo mila hai
Tab kahi ye ulfat ka raaz is jahan pe khula hai
Mere raqib ko acha ye sabak meri maut se mila hai
Bada haseen ye mohabbat ka sila hai
Bada haseen ye mohabbat ka sila hai.....